別記第百二十四賤嶽合戰記卷下指を切なとせし事數をあらす元和の末背制法事有て在信州領四萬石終に其處にして失ぬ息備後守い酒におほれて父より前に病死せしなり生國尾州脇坂甚内後號中務大輔領淡路生國江州也糟屋助右衛門尉後號內膳正領三萬石平野權平後遠江守於和州領五千石其心猛くして秀吉卿に背く事度々有し也因之領知少しとかや生國尾州片桐助作後號東市正慶長末於大坂秀賴公へ逆心有て攝州茨木へ立のきしか大坂を攻給ひし時御母堂のおはします處をよく知て大鐵炮を打入城をいたましむる事異他秀賴公を亡し百日を過し侍らて令病死億兆之指頭にかゝり名を汚しけり生國江州也右之七人を七本鎗と號して感狀有其辭曰今度信孝對某及鉾楯有可亡千秀吉企雖爲前將軍信長公御連枝今也不去兩葉可用斧柯事在手裏殊柴田修理亮瀧川左近將監與被仰合之義決然也依之至濃州大柿之城令在陣可攻伏岐阜之城之所柴田先勢柳瀨表致出張之旨〓來之條不移時刻走歸于柳瀨決勝負之刻竭粉骨合於一番鎗突退羣雄北國勢及敗北事偏在爾之武功本實即加增領五千石令宛行者也天正十一年七月朔日秀吉判各五千石之一行を令頂戴入部之規式尤勇々布見へてけり評曰七人之面々何れも二百石之上下を領し有しか頓に五千石之地を知り侍りけれい萬の自由いといみし肩をならへし傍輦の面々なみを越られぬる事を腹くろに思ひ籠るも有又うらやみぬる心淺からぬも多かりけれい諸卒勵武勇之力日々に新しく剛强に成て度々の勝利を得給ひつヽ異國迄退治し給ひき彼七人よりはやきも有及ふへきも有し也櫻井左吉伊木半七郞なとも倫を離れたる働き有殊に石川兵助い七人よりも早く鍵を合たりしか數多處痛手を蒙り鍵下にて果にけりなからへ有ならい此人一番鑓の名のみ高して七人い其下に立んとなん評曰今世武名をはけみうらやみつヽ其あたり迄の鑓をと望み思ふい小豆坂之七本鍵前田又左衛門尉堤の上の鍵等也此外の鍵の名い其國其黨々或い東西のはて〓〓にて云しい天下おしなへてのヽあるい稀也七人揃へて一番鍵といふ事如何あらんと此道に精しき人申侍りし誠に聊の其先後い有へき事なり小豆坂の七本鍵と其名香しきも退口の鑓前田鎗も味方軍の色あしくみへて引しを突返しぬるとあれいのき口の鎗也重て智將老師の評にして可否定りぬへし誠に今度の合戰にて天下秀吉に極りし事漢劉天下即成之功速か成しも不〓財施恩祿封大國賞を重せられし因て天下入掌握ぬると智臣感しけるに暗に合へり寔に此二卷の智謀武功果敢決斷得其所しに因て朝鮮迄脅かし至于支竺其威名有しとかや賤嶽合戰記大尾