秘書ヲ奉ヘク候先備ノ根本ト申ハ正兵奇兵伏兵也是ヲ備ノ父母ト仕ル正兵ハ兩手伏兵ハ兩足也一モ闕テハ人ト不成カ如シ其時ノ摸樣ニ依テ奇兵ノ正兵ト成事モ有伏兵ノ奇兵ト成事モ有リ臨機應變其體不定是井田ノ法ヨリ發テ萬世不易ノ法也問小勢ヲ以テ大敵ニ勝事有哉答曰異國ノ軍書我朝ノ家々ノ書共數多見テ侍ル大將ノ心持樣々有リ我師ヨリ傳ル處ハ天理ノ妙ヲ心ニ熟シ剛柔强弱ヲヨク行ヒ得タラハ一萬以十萬ニ勝事疑更ニ不可有此理ニ能達シヌレハ大名ハ天下ヲ治其下ハ國ヲ治メ獨夫ハ身ヲ修メ家ヲ齊手ノ舞足ノ蹈處ヲ不知問書物ヲ不學シテモ此理ニ至ルヘシ哉答曰上根上知ノ人ハ生ナカラニ此理ニ至其ヨリ下ハ學ヒテ知ヌ一文不通ノ人ニモ此理ニ近キ人有萬卷ノ書ヲ誦テモ私欲深キ者ハ至リ難シ知者ハ才知過テ不行愚者ハ道遠シト云テ不行此一理ニサヘ至ヌレハ聖人小勢ヲ以紂カ百萬ノ勢ニ勝玉フ然共此理高上ニシテ難至處也問老人ノ云處言葉高シテ理不通只即今目前ニ彼理ヲ取出テ見セヨ答曰過去シ冬遠山ハ雪白ク河水氷ニ閉ラレヌ一夜明テ氣色替リ雪消シ氷解黄烏幽谷ヲ出紅ノ霞空ヲ覆ヘリ夏天ハ暑熱頻ニシテ無程秋霧目前ニ降ル無聲無臭シテ微妙ノ理明ニ歷々タリ是皆天心ノ所爲也問天破ル時ハ如何答曰天地滅却スレ共此一理ハ不滅又天ト登リ地ト降テ又今日ノ如シ人死シテモ如是哉答曰人死モ此性ハ不滅問極樂地獄ト云事有ヤ答曰佛法ニ云處ト心替リ侍ル天心ニ叶テ死スル者ハ此性天ニ皈リ理ニ逆テ死タル者ハ此性此土ニ留ルモ亡魂幽靈ト成テ其聲臭々トシテ人ノ耳ニ盈ル事有問此性ノ迷ハ又行ヒ有哉答曰君ニ忠ヲ盡シ親ニ孝ヲ行ヒ人ヲ憐ミ心ニ僞ナケレハ死シテ後此性天ニ皈ル也君末本出製ニ本美ス処分心儀有(此性沈端スルル心シノムニシンシ也心僻樣ニシテ佛ヲ賴ムハ大罪ヲ侵テ後御免有シト云ニ似タリ問親類一門ヲ養フニ道有哉答曰親類一門ハ同流ノ血脉也九族ノ末々迄モ厚ク惠ミテ其後他人ヲ撫育シ給事道也同シ枝葉ヲ捨テヽ他人ヲ惠ムハ譬ヘハ木ニ竹ヲ接タルニ似タリ堯舜ノ子ニ天下ヲ讓スシテ他人ニ讓リ玉フハ其器量ナキ子ナシハ也器量ナキニ與ルハ却テ厚ク惠ムニ非ス下々モ此心得也謂レモナキニ親類ヲ踈ミ他人ヲ親ムハ是天理ニ非ス爭カ神明ノ冥加有ン哉問夫婦ノ間ニ道有哉答曰夫婦ハ天地ノ如シ天下ヲ治ル道モ夫婦ヨリ始ル夫婦和合シテ家齊リテ後國治リ天下平也文王ノ夫婦是萬代ノ掟也母北方夢想之事母北方ハ大藏卿饗塲局ヲ御前ニ召テノ玉フ樣過シ年ノ春ノ比關白秀次我枕上ニ立打恨タル氣色メ我ノミナラス過ナキ者共數多罪ニ沈ミ中ニモ絕テ悲キハ花ニモ月ニモ準テ惠シト思フ女子共卑キ者ノ手ニ觸テ頸ヲ刻ラレ耻ヲ天下ニ曝ス事此恨ミ何ノ世ニカハ散スヘキ是等ノ執心晴ル隙ナク苦ミニ沈ミテ浮フ事ナシ今ヨリ後ハ秀賴ニ恨ヲ可申トテ雨雫ク淚ヲ流シ現在ノ樣ニ見テ侍ル此面影ヒシト身ニ添テ有心地シテ空恐敷侍ル又卯月ノ中比世ノ中物恨布クツヤ〓〓心モ安カラテ伏沉テ侍レハ八十計ノ尼君夢ニ見ヘ給フテ何トテ心ナクハシツマリ給フソヤ只今ノ程ニ天下倒ニ成テ頓テ憂目ヲ見給フヘシ年比天カ下ヲ知身ト成テ心驕リ我カ氏神ヲハ雨露ニ打セ他所ノ神佛ヲイカメシク饗應シ我子孫ヲ憎ミ給ハ何ノ心ソ哉道